31 мамыр күні «АЛЖИР» мемориалды-мұражай кешеніне Қазақстан Республикасының Президенті Қасым-Жомарт Тоқаев келіп, Зерде қабырғасына гүл шоғын қойды. Қасым-Жомарт Кемелұлы боздақтардың рухына тағзым етіп, бір минут үнсіздікпен еске алды. Мемлекет басшысына экспозиция және саяси қуғын-сүргін құрбандарының ұрпақтары музей қорына 2023-2025 жылдары тапсырған «АЛЖИР» тұтқындары Лотта Райсс, Мирра Бухина, Азиза Рысқұлова, Мағрифа Қазбекова және Зоя Сағдағалиеваның жеке заттары қойылған «АЛЖИР»-дің бірегей жәдігерлері» көрмесі бойынша экскурсия жүргізілді.