Құрметті қала тұрғындары және қонақтары!

«Саяси қуғын-сүргін және тоталитаризм құрбандарының «АЛЖИР» мемориалды-мұражай кешенінің сайтына қош келдіңіздер!

Бұл сайтта сіздер өткізілетін іс-шаралар мен көрмелер және мұражай туралы толық ақпарат ала аласыздар, сонымен қатар экскурсияға онлайн арқылы тапсырыс беруге болады.

МІНДЕТТІ ӘЛЕУМЕТТІК МЕДИЦИНАЛЫҚ САҚТАНДЫРУ
FaLang translation system by Faboba

Жаңалықтар

12 ақпанда Мемлекет басшысы Н.Ә. Назарбаевтың «Болашаққа бағдар: рухани жаңғыру» бағдарламалық мақаласын іске асыру аясында Ауғанстан оқиғасының тарихи мағынасын ашу, интернационалист-жауынгерлерді еске алу, патриоттық сезімге  және адамгершілікке тәрбиелеу мақсатында АЛЖИР» мемориалды-мұражай кешені ақысыз түрде Целиноград ауданы Қызылжар ауылы № 42 мектебінің 9-10 сынып оқушыларына Ауғанстаннан кеңес әскерлерін шығарылғанына 30 жыл толуына  арналған «Ауғанның асуында от кешкендер» слайд түріндегі көрмесі мен дәріс сабағын ұйымдастырды. Көрмеде Ауғанстан оқиғасының фотохроникасы, хабар ошарсыз кеткен және қаза тапқан қазақстандықтардың сандық кестесі, сонымен қатар Целиноград ауданында туып-өскен, интернационалист-жауынгер Ж.Т.Дүйсекеевтің мұражай қорына тапсырған құжаттар мен фотосуреттер ұсынылды. Ұйымдастырылған көрме аясында интернационалист-жауынгерлердің тағдырын баяндайтын «Ауған соғысы» атты видеороликтің көрсетілімі ұйымдастырылды (20 адам).

2019 жылғы 4 ақпанда Мемлекет басшысы Н.Ә. Назарбаевтың  «Болашаққа бағдар: рухани жаңғыру» бағдарламалық мақаласын іске асыру аясында туған өлкенің тарихын зерттеу, Отанға деген сүйіспеншілікті арттыру, өсіп келе жатқан ұрпақты  патриоттық сезімге  және адамгершілікке тәрбиелеу, ұлттық тарихқа деген құрмет пен мақтаныштарын қалыптастыру мақсатында және Ақмол ауылының мәдениет үйінде Целиноград ауданының әкімі М. Таткеевтің тұрғындардың алдында Ақмола облысының әкімі Мәлік Кеңесбайұлы Мырзалиннің қатысуымен өткен есепті кездесуінде «АЛЖИР» мемориалды-мұражай кешені «Целиноград ауданы Ішкі саясат бөлімі» ММ бірлесіп «Тар жолда тайғақ кешкендер» тақырыбында көшпелі көрмесі ұйымдастырылды. 

Көрмеде мұражай қорындағы Қазақстанның қалалары бойынша және шет елдерге зерттеу іс-сапарлар барысында жинақталған архивтік материалдар, соның ішінде Әзиза Рысқұлованың және оның анасы Әрифа Есенғұлованың, Дәмеш Жүргеневаның, Рабиға Асфендиярованың, Уәзипа Күленованың, Мағрифа Қазбекованың, әнші Лидия Русланованың, жазушы Галина Серебрякованың, Кира Андронникошвилидің, Ашхен Налбандянның, Рахиль Плисецкаяның және т.б. архивтік құжаттары, фотосуреттері, естеліктері, «АЛЖИР» тұтқындарының ақтау туралы анықтамалары ұсынылды.

Көрмемен ақысыз түрде 25 адам танысты.

11 қаңтарда экспозициялық-көрме жұмысы бөлімінің экскурсия жүргізушісі Ә. Ескендірова Астана қаласы № 69 мектеп-гимназиясының 7-9 сынып оқушыларына «АЛЖИР» мемориалды-мұражай кешені ақысыз түрде 1938 жылдың 6 қаңтарында «АЛЖИР» әйелдерінің алғашқы легінің келуіне орай «АЛЖИР» қасіреті мәңгі біздің жадымызда сақталады»тақырыбында слайд түріндегі көрмесі мен дәріс сабағын ұйымдастырды.

 

2019 жылғы 17 қаңтардаМемлекет басшысы Н.Ә. Назарбаевтың  «Болашаққа бағдар: рухани жаңғыру»бағдарламалық мақаласын іске асыру аясында Целиноград ауданы № 3 Талапкер ауылы орта мектебінің 7-9 сынып оқушыларына ақысыз түрде«Құпия сандық сыр шертеді» слайд түріндегі көрмесі мен дәріс сабағы ұйымдастырылды. Мақсаты – өсіп келе жатқан ұрпақты Отансүйгіштікке,патриоттық сезімге  және адамгершілікке тәрбиелеу, ұлттық тарихқа деген құрмет пен мақтаныштарын қалыптастыру, отанға деген сүйіспеншілікті арттыру.

         Көрме Ақтөбе облыстық мұрағаты мен Ақтөбе облыстық өлкетану мұражайынан алынған және қуғын-сүргін құрбандарының ұрпақтары тапсырған материалдары негізінде жасалған.

Көрмеде Темірбек және Дәмеш Жүргеневтердің, Ұзақбай және Әйіш Құлымбетовтардың, сонымен қатар 1930-1950 - жылдары Батыс Қазақстан облысынан шыққан басқа да саяси қуғын-сүргін құрбандарының фотосуреттері, мұрағаттық материалдары ұсынылды.

Темірбек Жүргенев 1898 жылы Ақтөбе облысы, Ырғыз ауданында дүниеге келген, белгілі қоғам қайраткері, ҚазКСР-ның ағарту министрі, 1938 жылы қуғын-сүргінге ұшыраған. Жұбайы – Дәмеш Жүргенева (Ермекова) «халық жауының әйелі» ретінде тұтқындалып, «АЛЖИР»-де мерзімін өтеген.

Ұзақбай Құлымбетов 1891 жылы Ақтөбе облысы, Ырғыз ауданында дүниеге келген, белгілі саяси қайраткер, ҚазКСР-ныңОрталық атқару комитетінің төрағасы қызметін атқарған, 1938 жылы қуғын-сүргінге ұшыраған. Жұбайы – Әйіш Құлымбетова «халық жауының әйелі» ретінде тұтқындалып, «АЛЖИР»-де мерзімін өтеген. Көрмемен және дәріспен 50 адам танысты.

2018 жылғы 4 желтоқсанда «АЛЖИР» мемориалды-мұражай кешенінің «Алаш» залында мұражай ұжымының, № 44813 әскери бөлімі мен Ақмол ауылының тұрғындарының қатысуымен 2018 жылғы 6 қарашадағы Қазақстан Республикасының Президенті Н.Ә.Назарбаевтың Қазақстан халқына жолдауы: «Қазақстандықтардың әл-ауқатының өсуі: табыс пен тұрмыс сапасын арттыру» және 2018 жылғы 21 қарашадағы Мемлекет басшысы Н. Ә. Назарбаевтың «Ұлы даланың жеті қыры» мақаласының талқылауы ұйымдастырылды. Талқылау барысында мұражай директоры С. І. Тергембаев Мемлекет басшысының «Ұлы даланың жеті қыры» жаңа мақаласы «Болашаққа бағдар: қоғамдық сананың жаңғыруы» бірінші жобаның жалғасы болып табылатынын, бұл кеңейтілген, неғұрлым маңызды, толық жобасы екендігін, онда Ұлт Көшбасшысы қоғамның рухани дамуындағы барлық негізгі бағыттарын көрсететінін айтты.

Директордың орынбасары Қ.Т. Дүйсекеев қатысушыларды мақаламен таныстырып, осы мақала ұлттық мәдениетті іске асыру үшін жаңа мүмкіндіктер береді деп атап өтті.

Талқылау барысында  мұражайдың Кәсіподақ ұйымының төрағасы Р.Р. Жақсыбаева Елбасы Н.Ә. Назарбаевтың мақаласында кеңістік пен ұлттық тарихтың уақытын ашатынын, біздің жеріміз материалдық мәдениеттің көптеген дүниелерінің пайда болған орны, бастау бұлағы екенін айтты. Олардың көбі кезінде біздің өлкемізде ойлап табылған.

Ұжымдық талқылау барысында көптеген қатысушылар Мемлекет басшысының «Ұлы даланың жеті қыры» жаңа мақаласы туралы пікірлер білдірді. Елбасының аталған мақаласын талқылауға 200 адам қатысты.

 

2018 жылғы 12 желтоқсанда «АЛЖИР» мемориалды-мұражай кешені Қазақстанның азаттығы мен тәуелсіздігі үшін күресте зардап шеккен адамдарды ақтау және мәңгі есте қалдыру жөніндегі «Каһармандар» және «Тәуелсіздік таңы - желтоқсан» Республикалық Қоғамдық қорларымен бірлесіп Мемлекет басшысы Н.Ә. Назарбаевтың «Болашаққа бағдар: рухани жаңғыру» бағдарламалық мақаласын іске асыру аясында «АЛЖИР» мемориалды-мұражай кешенінің «Зерде» залында Қазақстан Республикасы Тәуелсіздігінің 32-жылдығы мен 1986 жылғы желтоқсан оқиғасына арналған  «Желтоқсан – тәуелсіздік рухы» тақырыбындағы іс-шарасын  ұйымдастырды.

Көрменің мақсаты: өскелең       ұрпақты ұлттық сана-сезімге және патриотизмге тәрбиелеу, азаматтық позицияны қалыптастыру, өз Отанына және оның халқына деген мақтанышты сезіну «АЛЖИР» мемориалды-мұражай кешенінің қызметін насихаттау.

Іс-шара барысында «АЛЖИР» мемориалды-мұражай кешенінің директоры Самат Ілиясұлы Тергембаев кіріспе сөз сөйледі.

     Іс-шара қатысушылары: Қазақстан Республикасының еңбек сіңірген қайраткері Қасымов Сабыр Ахметжанұлы, Асқар Сағынаев гитараның сүйемелдеуімен өзінің шығармашылығындағы әнін орындады, Кұрманғазы Айтмырза, Нұрлан Есқалиев, Гүлжамал Байменова, Гүлден Сәдуақасова және т.б. сол уақыттағы оқиғалар естеліктерімен бөлісіп, іс-шараға студенттер мен оқушылардың сұрақтарына жауап берді.

Іс-шара барысында Ақмол аулынының № 5 орта мектебінің 1,4,9-10 сынып оқушылары мектеп қабырғасында құрылған «Балдәурен» вокалдық топ өнер көрсетіп, желтоқсан көтерілісі туралы өлең мен тақпақтар оқыды.




Памятные плиты, посвященные узницам «АЛЖИРа»

Личности в истории лагеря

Уникальные экспонаты

Экскурсияға тапсырысты рәсімдеу

Жұмыс уақыты:

Дүйсенбi Демалыс
Сейсенбi 9.00-18.00 дейін
Сәрсенбi 9.00-18.00 дейін
Бейсенбi 9.00-18.00 дейін
Жұма 9.00-18.00 дейін
Сенбi 9.00-18.00 дейін
Жексенбi 9.00-18.00 дейін