Құрметті қала тұрғындары және қонақтары!

«Саяси қуғын-сүргін және тоталитаризм құрбандарының «АЛЖИР» мемориалды-мұражай кешенінің сайтына қош келдіңіздер!

Бұл сайтта сіздер өткізілетін іс-шаралар мен көрмелер және мұражай туралы толық ақпарат ала аласыздар, сонымен қатар экскурсияға онлайн арқылы тапсырыс беруге болады.

МІНДЕТТІ ӘЛЕУМЕТТІК МЕДИЦИНАЛЫҚ САҚТАНДЫРУ
FaLang translation system by Faboba

Жаңалықтар

2019 жылғы сәуірде «АЛЖИР» мемориалды-мұражай кешені қазақ, орыс және ағылшын тілдерінде мұражай бойынша виртуалды тур жасап, мұражайдың ресми сайтына енгізді. Виртуалды турмен museum-alzhir.kz/vtour2/tour.html сілтеме арқылы танысуға болады.

2019 жылғы 17-18 сәуір аралығында Елбасы Н.Ә. Назарбаевтың «Болашаққа бағдар: рухани жаңғыру» бағдарламалық мақаласын іске асыру аясында экспозициялық-көрме жұмысы бөлімінің маманы А. Хасенова Тарихи-мәдени мұра объектілерін және ескерткіштерді сақтауды қамтамасыз ету жөніндегі дирекциясы ұйымдастырған «Музей, музеология және мәдени мұра» тақырыбындағы халықаралық ғылыми конференциясына қатысып, «АЛЖИР» мұражайы Қазақстанның тарихи ескерткіші» тақырыбындағы баяндамасын оқыды. Сонымен қатар, А. Хасенова қазақ және орыс тілдеріндегі баяндамаларды ағылшын тіліне синхронды аударма жасады. Халықаралық ғылыми конференцияның нәтижесі бойынша шығарылған «Музей, музеология және мәдени мұра» кітабындаА.Хасенованың«Memory of women-prisoners in «ALZHIR» museum» ағылшын тіліндегі мақаласы енгізілді.

2019 жылғы 20 наурызда Мемлекет басшысы Н.Ә. Назарбаевтың «Болашаққа бағдар: рухани жаңғыру» бағдарламалық мақаласын іске асыру аясында «АЛЖИР» мемориалды-мұражай кешенінің «Зерде» залында мұражай ұжымының, Астана қаласындағы Техникалық колледжінің оқытушылары мен  І-ші курсында оқитын жетім балалар мен  көп балалы және аз қамтылған отбасынан шыққан балалардың, сонымен қатар Ішкі істер аудандық бөлімінің есебінде тұрған балалардың  қатысуымен Наурыз мейрамын мерекелеуге арналған «Қош келдің, Наурыз!» мерекелік іс-шарасы ұйымдастырылды. Іс-шара барысында қазақтың ұлттық мейрамы «Көрісу» дәстүрі қойылды. Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті-пәттісімен қосып үйіп қояды. Отбасының кішілері үлкендеріне қос қолын беріп, көрісіп шығады. Бір–біріне «Бір жасыңмен!» дейді. Ол «Бір жасқа есеюіңмен! Осы жылға аман-есен жетуіңмен!» дегенді білдіреді. Содан кейін әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады.

Сонымен қатар, Астана қаласындағы техникалық колледжінің студенттері «Наурыз көктем», «Мереке», «Жаяу» сияқты музыкалық композицияларын, Ақмол ауылы № 5 орта мектебінің оқушылары домбыраның сүйемелдеуімен музыкалық күйлер орындап, «Ләңгі тебу», «Жаяу тартыс», «Асық» ұлттық ойындарға қатысты. Іс-шараға қатысқан  қонақтар мұражай ұжымы дайындаған наурыз көжеден дәм татты. 

Ұйымдастырылған іс-шара аясында «Алаш» залында мерекенің тарихын, ұлттық салт-дәстүрлерін баяндайтын «Наурызым – мерекем, Наурызым – берекем» тақырыбындағы көшпелі көрменің ашылуы өткізілді. Көрменің жеке бөлігін ұлттық киімдер және сәндік-қолданбалы өнер бұйымдары заттары құрайды.

Іс-шара соңында қатысушылардың барлығы алғыс хаттармен марапатталды.

 

Қазақстан Республикасының Президенті

 Нұрсұлтан Әбішұлы Назарбаевтың халыққа жолдауына пікір

Тәуелсіз Қазақстанның және жаңа астананың салынуы, еліміздің шекарасының заңдастыруы, Семей ядролық полигонның жабылуы және т.б. ұлт көсемінің атымен байланысты. Ұлт көсемінің арқасында жасалған жетістіктердің бірі Қазақстанның табысты дамуының негізі болып табылатын Қазақстанның ұлтаралық және конфессияаралық тұрақтылығы. Оның атымен Қазақстанның ішкі жетістіктерімен қоса, сыртқы халықаралық аренадағы жетістіктері де байланысты.

Республика халқының өмірінің сапасын жақсартатын Қазақстан Республикасының Тәуелсіздігі жылдары Мемлекет басшысының «Қазақстан-2030», «Қазақстан-2050» Стратегиясы қалыптасқан мемлекеттің жаңа саяси бағыты», «Нұрлы жер», «Цифрлы Қазақстан», «Болашаққа бағдар: рухани жаңғыру», «Ұлы даланың жеті қыры» сияқты мақалалары жариялады.

Мемлекет басшысының 2018 жылы 13 қарашада Ақ-орда сайтында жарияланған жарлығында 2019 жыл жастар жылы болып жарияланды. Бұл жас қазақстандықтар үшін өз еліміздің игілігіне белсенді әрекеттеріне жаңа серпін болды. 

Ұлт көсемі Н.Ә. Назарбаевтың ел президенттігі қызметін тоқтату туралы шешімі – ойластырылған, мұқият дайындалған саяси қадам.

Ұлт көсемінің құқықтық мәртебесіне қарамастан еліміз оның бағдарын жалғастырады деп ойлаймыз.

Барлық қазақстандықтарды бірлік пен келісімге шақырамыз. Біз осы кезеңді бірге өтуіміз қажет, сөз бен қимылдарымызбен елбасының бағыт-бағдарына қолдау көрсетуіміз қажет. қазақстан жолының сабақтастығы мен біздің ортақ отанымыз – Қазақстан республикасының одан әрі көркейуі біздің қолымызда.

 

 

«АЛЖИР» мемориалды-мұражай кешенінің директоры

Самат Ілиясұлы Тергембаев

 

2019 жылғы 11-15 наурыз аралығында Мемлекет басшысы Н.Ә. Назарбаевтың «Ұлы даланың жеті қыры» мақаласын іске асыру аясында «НАТ Қазақстан» ЖШС мұражайдың қор бөліміне «Музей» АЖ автоматтандырылған музейлік ақпараттық жүйесін енгізіп, аталған компанияның кеңесшісі Алма Қылышқызы Шалбаева мұражай қызметкерлеріне «Музей» АЖ бойынша жұмыс өткізу» тақырыбында дәріс пен практикалық сабақтар ұйымдастыруда. Жүйе бойынша қабылдау актісі, түсім кітабы, материалдық-жауапкершілік сақтауға алу актісі, музей экспонаттарының инвентарлық кітабы, экспонаттардың қозғалысы, музей ішіндегі беру, беру актісі, қайтару актісі, уақытша сақтауға берілген заттарды қайтып беру, қалпына келтіруге тапсыру, қалпына келтіруден алу, заттарды есептен шығару кезеңдері бойынша мұражай қорындағы мәліметтерді енгізу жұмыстары басталуда.

2019 жылғы 13 наурызда Мемлекет басшысы Н.Ә. Назарбаевтың «Болашаққа бағдар: рухани жаңғыру» бағдарламалық мақаласын іске асыру аясында өткен жылдардың тарихын оқып білу, ХХ ғасырдың 30-50-ші жылдарындағы қайғылы қасірет пен оқиғаларды есте сақтау, тоталитарлық жүйенің жазықсыз жапа шеккен құрбандарына қатысты әділеттілікті қалпына келтіру, өсіп келе жатқан ұрпақты патриоттық сезімде  тәрбиелеу мақсатында «АЛЖИР» мемориалды-мұражай кешенінің экспозициялық-көрме жұмысы бөлімінің маманы Б. Жалғасова ақысыз түрде Астана қаласындағы техникалық колледждің 1 курсында оқитын жетім балалар мен көп балалы және аз қамтылған отбасынан шыққан студенттерге «АЛЖИР» тарихтың өшпес парағы...»  слайд түріндегі көрмесі мен дәріс сабағын ұйымдастырды. Көрмеде Әзиза Рысқұлованың, Гүләндам Қожанованың, Зұфнұн Нұрмақованың, Рабиға Асфендиярованың, Күлжамал Майлинаның, Рәзия Меңдешеваның, Жанбике Шанинаның, Мәриям Есқараеваның, Зағфи Тналинаның, Сағадат Таштитованың, Елизавета Сәдуақасованың, Мағрифа Қазбекованың, Шафиға Нұралинаның, Сұлухан Бағызбаеваның, Қазима Алманиязованың архивтік құжаттары мен фотосуреттері ұсынылды. Іс-шараға 20 адам қатысты.

12 наурызда «Астана – есірткісіз қала» өңірлік бағдарламасы аясында мұражайдың экспозициялық-көрме жұмысы бөлімінің маманы Б.Жалғасова «Зерде» залында Талапкер ауылы № 3 орта мектебінің 9 «А» сынып оқушыларымен кездесу өткізді. Кездесу барысында   слайд көрсетілімі бойынша «Есірткіге жол жоқ!» дәріс сабағы ұйымдастырылып, өсіп келе жатқан жасөспірімдердің арасында есірткіге байланысты бағдарламаның негізгі сұрақтарын ашып көрсетті. Оқушылар мұражай қызметкері қойған сұрақтарға жауап беріп, өз ойларын айтты (20 адам).

5 наурызда «АЛЖИР» мемориалды-мұражай кешеніне «Шабыт» Қазақ Ұлттық Өнер университетінің студенттері келді. Қонақтарға «Алаш», «АЛЖИР» залдары бойынша экскурсия жүргізіліп, «АЛЖИР»-дің ызғарлы суығы» деректі фильмі көрсетілді.

4 наурызда Халықаралық әйелдер күнін мерекелеу қарсаңында Алматы қаласында 2019 жылғы 1-8 наурыз аралығында өткен «FemAgora» әйелдердің құқықтары мен гендерлік теңдік фестиваль жұмысына мұражайдың зерттеу жұмысы бөлімінің маманы С. Майлыбаева  қатысты. Фестиваль ұйымдастырушылары – білім және гендерлік мәселелер бойынша кеңесшісі Лейла Зулейха Махмудова, өнертану докторы Молдияр Ергебеков және режиссер Сүйінбике Сүлейменова. Фестиваль барысында «Ғылым» секциясында С. Майлибаева баяндама жасап, мұражайдың зерттеу және экспозициялық-көрме қызметі мен алыс және жақын шет елдерде тұратын ұрпақтармен ынтымақтастығы туралы, сондай-ақ ХХ ғасырдың 30-50-шы жылдардағы қайғылы қасірет пен оқиғаларды есте сақтау бойынша өткізілген іс-шаралар жайлы айтып берді.

1 наурызда Жастар жылы аясында Астана қаласы әкімдігінің тапсырмасына сәйкес мұражайдың жас мамандары арасында қысқы спорт түрлері бойынша жарыс ұйымдастырылды. Алдымен таза ауада жаттығу жасалған соң, қатысушылар шаңғымен жүгіріске, шанамен сырғанауға қатысып, мини-хоккей ойынын ұйымдастырды. Жарыс соңында мұражай директоры Самат Ілиясұлы Тергембаев мұражайдың қоғамдық өміріне белсенді қатысқандары үшін барлық қатысушыларды алғыс хаттармен марапаттады.

1 наурызда Алғыс айту күнін мерекелеу аясында Ақмол ауылы аудандық Мәдениет үйінде Целиноград ауданының әкімі М.С. Тәткеевтің қатысуымен ұйымдастырылған «Мейірімді жүрек» қайырымдылық концерті барысында «Аманат-АЛЖИР» қоғамдық қоры Целиноград ауданы Нұресіл және Талапкер ауылдарында тұратын онкологиялық аурумен ауыратын 2 (екі) балаға 14 000 теңге (он төрт мың теңге) көлемінде материалдық көмек көрсетті.

2019 жылғы 1 наурызда Мемлекет басшысы Н.Ә. Назарбаевтың  «Болашаққа бағдар: рухани жаңғыру» бағдарламалық мақаласын іске асыру және Алғыс айту күнін мерекелеу аясында өсіп келе жатқан ұрпақты толеранттылыққа  және  бір-біріне достық пен сыйластыққа, сондай-ақ Қазақстанда этносаралық келісім мен ұлтаралық байланыстарын бекіту мақсатында «АЛЖИР» залында барлық этностардың бір-біріне және жер аударылғандарға мейірімділік танытқан қазақ халқына алғысын білдіру туралы «Қазақ еліне тағзым» тақырыбындағы бейнероликтің көрсетілімін ұйымдастырды. 




Памятные плиты, посвященные узницам «АЛЖИРа»

Личности в истории лагеря

Уникальные экспонаты

Экскурсияға тапсырысты рәсімдеу

Жұмыс уақыты:

Дүйсенбi Демалыс
Сейсенбi 9.00-18.00 дейін
Сәрсенбi 9.00-18.00 дейін
Бейсенбi 9.00-18.00 дейін
Жұма 9.00-18.00 дейін
Сенбi 9.00-18.00 дейін
Жексенбi 9.00-18.00 дейін