Іс-шараны өткізу мақсаты – қазақтың көрнекті ақын-жазушылары Сәкен Сейфуллин, Бейімбет Майлин, Ілияс Жасүгіровтердің рухын есте сақтау және құрметтеу, шығармашылықтарын насихаттау, өсіп келе жатқан ұрпақты патриоттыққа және адамгершілікке тәрбиелеу.
Іс-шара барысында «Малиновка» іздеу тобының мүшелері Сәкен Сейфуллиннің, Бейімбет Майлиннің және Ілияс Жансүгіровтің өлеңдерін оқыды, сонымен қатар № 5 орта мектебінің орыс тілі және әдебиет пәнінің мұғалімі Ботагөз Ертайқызы Сәрсембаеваның бастамасымен Сәкен Сейфуллинді тұтқынға алу сәтінен көрініс қойылды. Сондай-ақ, Целиноград аудандық кітапханасы «Қазақ жерінің ғұлама тұлғалары» тақырыбында кітаптар көрмесін ұйымдастырды.
Іс-шара соңында мұражай директоры Самат Ілиясұлы Тергембаев мұражайдың қоғамдық өміріне белсенді қатысқаны үшін қатысушыларға алғысын білдіріп, алғыс хаттармен марапаттады.
#BBD0E0 »
