«АЛЖИР»-де мерзімін өтеген суретшілер мен жазушылардың рухына арналған «Өткен күн әрқашан жадымызда» слайд түріндегі көрме.
оның ішінде: «Целиноградская правда» газетінің бұрынғы фототілшісі Н.И. Имашовтің коллекциясынан ХХ ғасырдың 60-80 жж.Ақмола қаласының 22 фотосуреті мен «АЛЖИР» тұтқыны Мариям Анциске қатысты 10 дана құжат. Қалпына келтіру жұмыстары барысында сақтау, шаңды, кірді кетіру, түзету, жоғалған фрагменттерді қалпына келтіру, желімдеу жұмыстары жүргізілді.
Айша Ергельдинова мұражай мамандары Р.Жақсыбаева мен Н.Қыдырбаевадан сұхбат алды. Сұхбат барысында олар «АЛЖИР» тұтқындары мен олардың балалары жайында әңгімеледі..
Іс-сапар барысында мұражай қызметкерлері Л. Әбдірахманова Л. мен Г. Төлепбергенова ұрпақтармен кездесті. Репрессия құрбаны Ілияс Жансүгіровтың биыл 90 жасқа келген ұлы Саят Жансүгіров мұражай қорына «Үш арыс» кітабы мен кеңес дәуірінің тұрмыстық заттарын табыстады. Нұргүл Майлина мұражай қорына енесі, белгілі қазақтың жазушысы Бейімбет Майлиннің кенже қызы Гүлсім Майлинаның шәй ішуге арналған ыдыс-аяқ жиынтығын тапсырды. 1938 жылы қуғын-сүргінге ұшыраған Қазақстанның тұңғыш экономист-профессоры Әзімбай Лекеровтың қызы Айседора Ликерова мұражай қорына әке-анасына қатысты архивтік құжаттар мен фотосуреттер табыстады. ҚазКСР еңбек сіңірген мұғалімі, 100-дығына жарты жыл қалғанда дүниеден өткен анасы Халида Елькибаеваның киген көйлегі (үш дана) мен бас орамалын табыстады. Бар өмірін білім беру және жұбайы Әзімбай Лекеровтың есімін мәңгі сақтау жолына арнаған тұлға. Қазақстанның тұңғыш банкирі, қаржы саласын дамытуға баға жетпес үлес қосқан репрессия құрбаны Төребек Османовтың қызы Зарема Османова мұражай қорына әкесі мен анасына қатысты архивтік құжаттар мен фотосуреттер, өзінің және марқұм апасы Лаураның жеке заттарын, сонымен қатар әкесі Төребектің жиені Сейтеннің 1946 жылы Германиядан әкелген чемоданын тапсырды. Кейін чемоданды лагерден босатылғаннан кейін Фатима пайдаланды. Ол қайтыс болғаннан кейін жеке заттары сол чемоданда сақталған. Апалы-сіңілілер Лаура, Айткүл, тұтқындалғаннан кейін балалар үйіне жіберілген болатын, анасы лагерден босатылғанға дейін оларды әкесінің қарындасы Назым апай тәрбиеледі. Репрессия құрбаны ҚазКСР сауда наркомы Шәкір Дивеевтың қызы Альмара Дивеева мұражай қорына анасы, «АЛЖИР»-де мерзімін өтеген Фатима Дивеева тұтынған қол сөмкесін тапсырды.
Іс-сапар барысында мұражай маманы Р. Жақсыбаева тарихи-өлкетану музейінде болды. Аталған музей «АЛЖИР» тұтқыны Ментай Даукенованың, «Айқап» журналының тұңғыш редакторы Мұхамеджан Сералиннің архивтік құжаттарының көшірмелерін табыс етті.
Іс-шара барысында Самат Ілиясұлы мұражайдың қызметі мен жетістіктері туралы айтып, аталған мұражайлар арасындағы ынтымақтастық одан әрі жалғасатынына ризашылық пен сенімділік білдірді.
26 қазанда мұражай мамандары Г. Төлепбергенова мен А.Хасенова Шымкент қалалық саяси қуғын-сүргін құрбандарының музейі «Шымкент 2020- ТМД елдерінің мәдени астанасы» жылы аясында фейсбук парақшасында ұйымдастырған «Рухы қасіретпен шыңдалған ерлердің достастығы» атты ТМД елдерінің музей апталығы қатысушыларына онлайн- экскурсия ұйымдастырды
