Ғылыми экспедициялар
Ғылыми экспедициялар«АЛЖИР» мұражайының ғылыми-зерттеу қызметінің бір бөлігі ғылыми-іздеу мен экспедициялық жұмыстары болып табылады.
Мұражай ашылған 2007 жылы, Алматы қаласына алғашқы іс-сапар ұйымдастырылды. Іс-сапар барысында мұражай қызметкерлері «АЛЖИР» тұтқындары Уәзипа Күленова мен Мария Даниленкомен және Ілияс Жансүгіровтың балалары Саят пен Ильфамен, Қазақстанның тұңғыш банкирі Төребек Османовтың қызы Заремамен, сондай-ақ Тұрар Рысқұловтың қызы Сәулемен кездесу ұйымдастырылды.
nauchno-issledovatelskie-komandirovki-2013
30 наурыз-5 сәуір аралығында мұражай қызметкерлері Алматы қаласына іс-сапармен барып қайтты. Мұражай қорына «Қазақ», «Алаш», «Ақ жол», «Аул», «Қызыл ту», «Лениншіл жас», «Бостандық туы», «Еңбекші қазақ», «Жас азамат», «Аул-Тли», «Сары-арқа» газеттерінің қиындылары түсті.
Қазақтың тұңғыш режиссеры, драматург, Қазақ КСР халық әртісі Жұмат Шаниннің немересі Райхан Шанина мұражай қорына атасының өмірі мен қызметіне қатысты фотосуреттер мен бейнематериалдарды тапсырды.
29 тамыз-2 қыркүйек аралығында Қарағанды қаласына іс-сапар ұйымдастырылды. Іс-сапар барысында мұражай қызметкерлері Қарағанды облысы Долинка кентіндегі саяси қуғын-сүргін құрбандарын есте сақтау және қалалық тарихи-өлкетану мұражайларында зерттеу жұмыстарын жасады.
4-14 қазан аралығында мұражай қызметкерлері Қызылорда қаласына іс-сапармен барып қайтты. Іс-сапар барысында олар Қазақстанның тұңғыш прокуроры Сүлеймен Есқараевтың қызы Мариэтта Есқараевамен кездесті. Ол мұражай қорына әкесіне қатысты құнды материалдарды тапсырды.
