"АЛЖИР" мұражай-мемориалды-мұражай кешеніне 1902 жылы туған, Қызылорда облысы Шилі ауданының тумасы, 1950 жылғы 27 тамыздағы Қызылорда облыстық сотының үкімімен 10 жылға бас бостандығынан айырылып, РСФСР ҚК 58-10-бабының 2-бөлігі бойынша 5 жылға бас бостандығынан айырылған Шеген Құдамановтың немересі Жадыра Өміртаева келді. Қонақтар үшін "Алаш", "АЛЖИР" залдары бойынша экскурсия жүргізіліп, "АЛЖИР»-дің ызғарлы суығы" деректі фильмі көрсетілді. Сапар барысында ол мұражай қорына қуғын-сүргінге ұшыраған атасының түпнұсқа фотосуреттері мен мұрағаттық құжаттарын тапсырды.
14 қыркүйек күні «АЛЖИР» музейінде Нұр-Сұлтан қаласында құқық бұзушылықтың алдың-алудың кешенді жоспары аясында Целиноград аудандық полиция бөлімімен бірлесіп «Заңдылық, құқық тәртібі және қоғамдық тәртіп» тақырыбында іс-шара өтті.
Өткізу мақсаты – жастар арасында құқұқ бұзушылықтың алдын алу, жас ұрпақтың бойында құқұқтық сананы тәрбиелеу, өз бетінше шешім қабылау дағдаларын дамыту, жастар арасындағы құқұқтық сауаттылықтың жалпы деңгейін көтеру.
Кездесу барысында жасөспірімдердің ісімен айналысатын инспектор, полиция капитаны Бөлегенов Асхат Бақытұлы әкімшілік және қылмыстық заң нормаларын, соның ішінде кәмелетке толмағандардың түнгі уақытта үй-жайдан тыс ата-анасыз немесе заңды өкілдерінсіз жүруге болмайтындығы, ұсақ бұзақылық үшін қолданылатын жазалар туралы түсіндірді. Асхат Бақытұлы оқырмандарға оқу орнында және қоғамдық орындарда ережені ұстану, білімдерін жетілдіруге, адамгершілік және отбасы құндылықтарын басшылыққа ала отырып, заң талаптарын бұлжытпай орындауға сақтауға шақырды.
18 тамыз күні «Где сбываются мечты» Қоғамдық қоры ұйымдастырған Балалар жылы мен «Рисуем лето» акциясы аясында «АЛЖИР» мемориалды-мұражай кешеніне «Соколов арнайы мектеп-интернаты» КММ тәрбиеленушілері келді. Оларға «Алаш» және «АЛЖИР» залдары бойынша экскурсия өткізіліп, «АЛЖИР»-дің ызғарлы суығы» деректі фильмі көрсетілді. Экскурсия соңында "Где сбываются мечты" қоғамдық қоры музей ұжымына қайырымдылық көмек көрсеткені үшін алғыс хат табыс етті.
